कॉलेज काण्ड (राजस्थानी)

केडीयू कैंपस मं एक बड़ा घौटाळो हुयो है। तीन सीनियर स्टूडैंट (सुनील, मुक्की अर संजु) एक छोरा ने बुरी तरिया मारै हैं। एक आदमी गुंड्आ सुं बचर् एक फाईल‌ लेर भागे है। आखिर कांईं है ओ घौटाळो? कांईं आ तीन्यु पहलुआं रो आपस मं कोंईं संबध है?

पेपरां खात्तर सख्ताई कर दी गई है। तीन दोस्त जुगाड़ करै हैं प्रिंसिपल रा ऑफिस सुं पेपर चोरी करबा रि पण चोरी करता वक्त पतों चाले है प्रिंसिपल री मौत होगी। आखिर कुण रचयो ओ कत्ल करबा रो षड्यंत्र? अब काईं होसी आं तीनूं दोस्तां रो?

प्रिंसिपल रो मृत्यु काण्ड सुळझाबा खात्तर संकी पुलिस आळो जोगिंद्र जाखड़ आवै है। कई सुराग हाथ लाग्या हैं पर या गुत्थी सुळझबा मं कोनी आरी। कांईं ओ संकी पुलिस आळो पतो लगा पावैलो मर्डर कुण करयो है?

संकी जोगिंदर री घरेलू जिंदगी ठीक कोनी। बो एक बलात्कारी ने खुब कुटे है । मुख़बिर सुं ख़बर मिलै है तो तीनु दोस्तां नै लेर आबा रै ऑडर देवै है। कांईं तीनु भगोड़ा दोस्ता नै पकड़ पावैलो संकी पुलिस आळो?

लवली रा काण्ड रो दिलबाग नै पतो होवे है अर बो बिनै ब्लैकमेल करै है। बठीने जोगिंदर री पुछताछ जारी है। लवली दिलबाग सुं मिलबा आवै है तो एक बहोत बड़ा रहस्य रो पर्दाफाश होवै है। आखिर कांईं है बो रहस्य?

मुक्की पुलिस आल़ा ने सरैंडर करदेवे है। अब शक रा दायरै मं हैं तीनू दोस्त। सबसुं पुछताछ होवै है।अचानक पुलिस कन एक और लाश मिलब री ख़बर आवै है। गुत्थी सुळझबा री बज़ाय और उळझगि। आख़िर कुण करयो है ओ महाकाण्ड?