Digital ताई (राजस्थानी)

ताई बड़े रंगीला अंदाज मं नजर आवै हैं, योगा करंके ग्रीन टी मांगै है, यूट्यूब सुं ब्यूटी टिप्स लेवै है। ताई यूट्यूब सुं सीखअर् खुदं फेस मास्क बणा लेवै ,अर जद ताऊ अर बहु बिने फेसमास्क लगायां देखै हैं तो जोरदार डरप जावै हैं, आगै कांईं कांईं होवे हैं वो आप खुद देख ल्यो।

जिया की म्हे पहली बतायो हो कि ताई ताऊ रे लारे पड़ी रवै है अर इ एपिसोड माई तो और भी भयंकर कांण होगो, ताऊ दारू पीर घरां आगो अर इब ताऊ रो ताई सुं पीछो छुटवाणो मुश्किल हो रियो है, बाकी थे खुद संभाल़ ल्यो ताऊ नै।

ताऊ यानी गुलाबो रो भरतार घणी दारू पीवै है अर गुलाबो अर ताऊ री खूब लड़ाई होवे हैं। पडोशण गुलाबो नै बतावै हैं कि थारो घरआल़ो चुराहा सुं उठार दारू पीवे हैं बिके ल़ाय-बल़ाय लागगी होसी,ताई रो छोरो बाबा नै बुलार् लय्वै हैं अर ताऊ सुं भूत निकलवाणे री कहवै है, आगै स्टोरी मं मजेदार मोड़ आवै है, वो एपिसोड मं देख ल्यो।

ताई मॉडलिंग करै अर टाबरां नै पकड़ पकड़ अर् बिठावे हैं फेर बांसु ताल़ी बजवावै है। आ ताई खुद नै सीसा मं देख देख अर् खुदरी बढ़ाई करै है अर ऊपर सुं ताऊ आ जावै है। फेर ताई अर ताऊ री खींचाताणी चालै है, ताई रो पड़ै है रोटी खार सो जावै हैं, उठतां ही ओजुं रोटी माँगवां लाग जावे है, बा भी गर्मा गर्म। बहु ताई री बात टाल़ देवै है तो ताई ऑनलाइन खाणो मंगवालेवे है अर सबनै पागलं बणावै हैं।

ताई इंस्टाग्राम माथे ID बणा रखी है और इंस्टाग्राम माथे ताई अक्सर लाइव आया करे है। अपरा चाहवा वाल़ा नै बांकी मन पसंद शायरी सुणावै है अर बांसु खाटी मीठी बात चीत करै है जदी छोरे रो साल़ो आ जावै हैं अर वो गन्ने रो जूस बेच्या करै है। ताई और ताई रो छोरो बिकी खूब मिट्टी पलित़ करे है, क्यूकर करे है वो थे खुद देख ल्यो।