चौधर

इस एपिसोड मं सुरजे के दादा क नाम पै जो गाम का नाम रखा गया था "विजय खेड़ा" उसने बदलन की बात की जा सै जो. बात सुरजे को बहोत बुरी लागे सै दूसरी तरफ राक्का बिन्दर, वीर आर सुन्दर नै कुश्ती लडन नै उकसावे सै। तो आगे के होवेगा या देखन नै तो थामने पूरा एपिसोड देखना पड़ेगा।

सुरजे अपने काका भीम सिंह की कहानी अपने पोते नै सुनावे सै आर भीमे क बारे मं जान के थारे रोंगटे खड़े हो ज्यांगे के इससे भी आदमी होया करते जो अपनी ज़ुबान तँ न फिरया करते चाहे फेर बात उनकी जान की ऐ क्यों ना हो। तो एक बहुत रोमांचक कहानी देखन नै शुरू करो या एपिसोड।

इस एपिसोड मं थाम पाओगे की बिंदर क्यूकर अपने बाप सुरजे तँ चुनाव लडन नै बहस करे सै। और दूसरी तरफ छोटे भाई वीर का कॉलेज मं एडमिशन होण पै उसते लड़ाई करे सै। देखो के ये लोग पारिवारिक फुट के चलते के ये राजनीति मं पा जमा पावेंगे या आपस मं ऐ लड़दे रह ज्यांगे।

इस एपिसोड मं देखोगे की बिंदर का ब्याह हो ज्या सै आर वो अपनी पत्नी पूनम क साथ किसा बर्ताव करे सै। एक तरफ पूनम मास्टरनी बणन की कोशिश करण लाग री दूसरी तरफ उसका एक सीक्रेट बेरा लागे सै। आर इनने वीर अपने दोस्त की उसकी लव-मैरिज मं सहायता करण की कोशिश करे सै।

चुनाव खातर सारे कुनबे नै मिलावन नै सुरजा बहोत बड़ा त्याग करे सै जिसका विरोध उसकी बेटी कमला करे सै आर दूसरी तरफ राक्का अपने रपिया क बलबूते पै चुनाव जीतन की तयारी मं लाग रया सै। तो यो एपिसोड सै सरे गीले शिकवे मिटावन का आर सबकी मांग सुनन का।

इस एपिसोड मं बहोत बड़ा मोड़ आवे सै एक तरफ चुनाव का नामंकन भरया जा रया सै दूसरी और एक बहोत बड़ी घटना हॉवे सै की सुन्दर के साथ बहोत बड़ा हादसा हो ज्या सै आर उसका शक बिन्दर पै जा सै। आर इन् वीर पै पूनम कीमे आरोप लगावै सै आर ना सुनन पै एक इस्सा फैसला ले सै जिसते मलिक परिवार हांसी का पात्र बनै सै।