बेटी उल्हाणा ल्याइए मत न्या

इस गीत म्हं हरियाणा म्हं ब्याह शादी म्हं होण आले मजाक का जिकरा है,जिननै हरियाणा आले सिटणे कहया करैं। इस गीत म्हं दर्शाया है के जब छोरे आले बारात लेकै जावैं तो छोरी की चाणी ताई और बड़ी बाहण उन बारातियां नै के के ताने सुणाया करैं अक थामनै तो खर्चा ना करया ब्याह म्हं,ब्होत कंजूसी दिखाई।

इस गीत म्हं एक बाहण जब आपणे भाई के घर भात न्यौतण जा है तो उसका भाई और भाभी आनाकानी करण लागज्या हैं तो वा बाहण उननै मनावै है के मनै धन की जरूरत कोनी भाई,बस थाम मेरे घर आ जाइयो यो ए ब्होत है मेरे खातर तो!

इस भजन‌ म्हं एक गाम की बुढ़िया दादी अपणे घर-बार के दुख बताण लागरी है के मैं मेरी इन माॅडर्न बहूआं तै कितणी दुखी हूं। वा बतावै है के मैं रोज राम का नाम लिया करती पर इन बहूआं नै तो मेरे सारे काम छुटवा दिए।

इस भजन म्हं एक बुढ़िया जवान छोरियां नै समझावै है के या जवानी यो रंग रूप सदा सदा कोनी रहणा। एक दिन यो बुढापा थारे म्हं भी आवैगा और जब बुढ़ापा आवैगा तो के के बीमारी लागैंगी और फेर कोए भी बाय ना सुणै सारे ए अपणे-२ काम म्हं मग्न रहवैंगे।

इस भजन म्हं एक मां अपणी बेटी नै उसके ब्याह म्हं सलाह देवै है के बेटी आगले घर जाके कोए भी उल्हाणा ना ल्याइए और किस तरियां रहणा है वो भी बताण लागी।