बाजण दयो जूत (हरियाणवी)

कदे डी.जे. पै रपिए लूटे हैं? कसूत्ता जूत बाज्या करै रपिए ठाण पै। भाती अर बटेऊ पै नकल ना लाग्गैं इसा कदे हो सकै है? इस म्ह रेणू अर मोहन सुणावैंगे विस्तार तै कहाणी।

जब मोहन नै पुछ्या रेणू तै सवाल - के सरकारी बटेऊ चाहिए या प्राईवेट? तो देखो के जवाब आया उसका। खड्या जूत बाजैगा इस मुद्दै पै अर हांस-हांसकै लौट-पोट हो जाओगे।

पार्लर म्ह त्यार होकै आई लुगाई का माचणा स्वाभाविक है पर जै उबके मेक अप पै सवाल उठज्यां तो थमनै बेरा है के होया करै? देखो माचणी लुगाईयां के टंटे ब्यांह म्ह।

ब्यांह म्ह कई सैंपल होया करैं। रिबन कटाई पै उनका ब्यौरा देवैंगे रेणू अर मोहन। फेरयां पै छोरी आळे अर छोरै आळ्यां के चौंचले भी सुणियो। इनकी बताई बात सुणकै थमनै जरूर कोए ब्यांह याद आ ज्यागा।